Instalimi i dusheve pa pengesa paraqet sfida si për instaluesit ashtu edhe për planifikuesit. Ndërkohë që dushet e shtruara me pllaka janë tashmë standard i zakonshëm, pjatat e dushit po kthehen sërish në përdorim falë dizajneve të reja të sheshta dhe materialeve të reja. Pjatat e sheshta të dushit ofrojnë përparësi teknike: sipërfaqja e tyre homogjene siguron mbrojtje më të mirë kundër lagështirës dhe mykut sesa pllakat. Megjithëse kanë estetikë të përmirësuar dhe rezistencë më të madhe ndaj lagështirës, ato paraqesin kërkesa të veçanta gjatë instalimit. Izolimi i saktë, pozicionimi i përpiktë dhe lidhja e sigurt me kullimin kërkojnë ekspertizën e duhur dhe produktet e duhura për të siguruar papërshkueshmëri nga uji.
Rreziku më i madh për ankesa ndaj instaluesve shfaqet kur uji duhet të kullojë nga një hapësirë e hapur brenda shtëpisë, si te dushi. Uji vjen nga sistemi i tubacioneve përmes kokës së dushit dhe duhet të shkarkohet siç duhet. Nëse puna nuk bëhet mirë, problemet dalin menjëherë, sepse dëmtimet nga uji kanë pasoja të rënda: Lagështi në shtresa ose te fqinjët një kat më poshtë, mobilie të prishura, krijim myku dhe shpesh edhe dëmtime më të rënda. Kjo kërkon punime të mëdha riparimi dhe shpenzime të larta.
Trendet e dizajnit: akses pa pengesa
Prirja drejt dusheve pa pengesa me pllaka e thellon edhe më shumë këtë problem: edhe pse pllakat lejojnë një shkallë të caktuar kullimi, kjo nuk mjafton për të garantuar mbrojtje nga lagështia. Është e domosdoshme hidroizolimi poshtë pllakave, në mënyrë që uji të mos depërtojë në mur ose në shtresën e varfër dhe të shkaktojë dëmtime.
Rikthimi në trend i pjatave të dushit
Megjithatë, për shkak të këtij rreziku, pjatat e dushit po rikthehen në përdorim. Ato nuk kanë nyje apo fuga, por një sipërfaqe të vazhdueshme dhe homogjene. Kjo ofron më shumë siguri dhe pastrim më të lehtë krahasuar me dushet me pllaka.
Përveç kësaj, pjatat moderne të dushit ofrojnë një gamë të gjerë materialesh, ngjyrash dhe dizajnesh krahasuar me pjatat klasike ose të larta. Përveç materialeve tradicionale si çeliku ose akriliku, ka edhe pjata të prodhuara nga materiale të përbëra cilësore, si “solid surface” ose gur i përpunuar, në forma dhe ngjyra të ndryshme. Një arsye tjetër për rikthimin e pjatës së dushit është edhe pamja e saj, e cila është përmirësuar ndjeshëm te modelet moderne të sheshta.
Pjatat e sheshta dallohen edhe për qasjen pa pengesa: modelet moderne kanë trashësi vetëm 2–3 cm dhe mund të montohen (pothuajse) në nivel me pllakat.
3 sfidat e instalimit
Pavarësisht përparësive, pjatat e sheshta të dushit kërkojnë kujdes të veçantë në instalim. Ndryshe nga pjatat e thella, pjatat e sheshta shpesh ngjiten direkt në shtresën e varfër. Kjo krijon probleme dhe sfida të reja me kullimin e ujit. Një zonë dushi me pamje tërheqëse është e rëndësishme, por akoma më e rëndësishme është që uji i dushit të shkarkohet në mënyrë të sigurt dhe profesionale. Konkretisht, ka tre sfida kryesore gjatë instalimit të pjatave të sheshta të dushit:
- Sfida 1 – Lidhja e kullimit të pjatës së dushit me hidroizolimin
Hidroizolimi i gjithë banjës është përsëri i domosdoshëm, edhe për rastet kur instalohet një pjatë dushi. Pjata e dushit nuk e zëvendëson hidroizolimin sipër shtresës së varfër. Pjesa e vështirë e këtij proçesi është lidhja midis piletës dhe materialit izolues. - Sfida 2 – Nuk ka tolerancë për gabime në instalim
Nëse puna nuk bëhet me përpikmëri, sifoni nuk përshtatet saktësisht me tubin shkarkues, pasi pjatat e kanë vrimën fikse dhe duhen mbështetur në kënd të mureve. Kjo kërkon punë precize pa asnjë tolerancë për gabime. Prandaj, instalimet e gabuara nuk janë të rralla. - Sfida 3 – Bashkim i sigurt i sifonit me pjatën e dushit
Modelet e sheshta të pjatave të dushit ngjiten direkt mbi shtresën e varfër (përfshirë hidroizolimin e mëparshëm). Kjo detyron instaluesin të shtrëngojë sifonin nga sipër pasi instalohet edhe pjata, pa akses për të provuar nëse bashkimet janë të sigurta. Rrjedhjet janë shpesh të pa shmangshme.
Kutia e instalimit – Sifoni modern për pjatat e sheshta të dushit
Ndryshimi në dizajnin e pjatës (të sheshta vs. të larta) e bën të nevojshme gjithashtu përshtatjen e sistemit të shkarkimit. Për këtë arsye, kutitë e instalimit po bëhen gjithnjë e më të popullarizuara te instaluesit dhe kontraktorët. Ato mund të përdoren për të zgjidhur sfidat e përmendura më sipër në mënyrë të lehtë dhe të sigurt. Një shembull i kësaj është HL570 Flexbox nga HL
Më poshtë do të tregojmë se si instalimi i një pjate të sheshtë me një kuti instalimi (HL570 Flexbox) ndryshon nga metoda klasike e instalimit me një sifon konvencional dhe si Flexbox zgjidh sfidat e instalimit të përshkruara më sipër.
Fiksim në beton
Ndërsa sifonët konvencionalë duhej të përshtateshin në lartësinë e duhur dhe të siguroheshin me distancues ose panele izoluese, Flexbox mund të lidhet thjeshtë në beton dhe të fiksohet në vend.
Shtresa e varfër
Shtresa e varfër mund të vendoset vazhdimisht deri te trupi i kullimit të Flexbox. Më pas, trupi pritet në nivel me shtresën e varfër dhe rregullohet më pas sipas lartësisë së saj (shih Figurën 5). Kjo kursen kohë dhe para gjatë instalimit. Për më tepër, sigurohet një shtresë e varfër e vazhdueshme pa ndërprerje.
Integrimi me hidroizolimin
Sfida e parë lind gjatë aplikimit të hidroizolimit. Nëse përdoret një sifon konvencional me formë punimi, sifoni duhet të hiqet dhe e gjithë pjesa poshtë të hidroizolohet. Gjithashtu bashkimi me sifonin bëhet me shirita izolimi. Kjo jo vetëm që kërkon shumë kohë, por është gjithashtu jashtëzakonisht e ndjeshme ndaj gabimeve.
Në krahasim, me HL570 Flexbox, duhet të vendoset vetëm kompleti i hidroizolimit i përfshirë brenda trupit të kullimit dhe membrana e hidroizolimit vuloset duke përdorur metodën “sandwich” (Sfida 1 ✔️).
Ngjitja e pjatës së dushit
Pasi vulosja të përfundojë, pjata e dushit ngjitet mbi shtresën e varfër ose mbi hidroizolimin. Këtu lind sfida e dytë, sepse me një sifon konvencional, puna duhet të kryhet me përpikëri milimetrike që hapja e pjates të vendoset drejtpërdrejt mbi hapjen e sifonit. Nëse hapja nuk është e pozicionuar mbi sifonin (shih Figurën 8) dhe ka një zhvendosje, pjata e dushit nuk mund të bashkohet siç duhet me sifonin.
Kompleti i hidroizolimit i HL570 Flexbox është i pajisur me një element fleksibël që mund të përballojë devijime deri në 4 cm (plus/minus 2 cm nga qendra) midis trupit të kullimit dhe pjates së dushit (shih Figurën 9 ose, për një ilustrim më të detajuar, videon e instalimit të HL570 Flexbox). Kjo do të thotë që pasaktësitë e vogla gjatë instalimit janë të pranueshme dhe instalimi bëhet ndjeshëm më i lehtë dhe më i sigurt (sfida 2 ✔️).
Lidhja midis pjatës dhe sifonit
Hapi përfundimtar është shtrëngimi i sifonit me pjatën e dushit. Këtu lind sfida e tretë, sepse me një sifon konvencional, pjata duhet të bashkohet me sifonin në mënyrë “të padukshme” (shih Figurën 10).
Me kutinë e instalimit HL570 Flexbox, valvula me vidë mund të lidhet me pjaten e dushit para ngjitjes (shih Figurën 11), dhe pas vendosjes së pjates, ajo vetëm duhet të klikohet së bashku me kompletin fleksibël të hidroizolimit (shih Figurën 12). Kjo lejon një test të hershëm vizual për rrjedhje dhe siguron një lidhje të fortë midis pjates së dushit dhe sifonit (sfida 3 ✔️).
Përfundimi & pastrimi
Pas instalimit të pjates së dushit, instalohen pllakat në pjesën tjetër të banjës dhe Flexbox mund të kompletohet me sifonin e aromës (të çmontueshëm nga sipër) dhe kapakun prej inoksi (shih Figurën 13).
Sifoni i çmontueshëm e bën të lehtë pastrimin e HL570 Flexbox.
Konkluzioni
Instalimi i pjatave të sheshta të dushit paraqet tre probleme kryesore. Së pari, lidhja e kullimit të pjatës me hidroizolimin kërkon kujdes të veçantë. Së dyti, instalimi ofron pak tolerancë, dhe edhe devijimet e vogla mund të shkaktojnë gabime. Së treti, lidhja e fortë midis sifonit dhe pjatës është e vështirë, sepse pjata e dushit ngjitet direkt mbi shtresën e varfër dhe lidhja me vidë bëhet “në mënyrë të padukshme”.
Kutia e instalimit si HL570 Flexbox ofron një zgjidhje për këto sfida. Ato thjeshtojnë instalimin, kursejnë kohë dhe para, dhe sigurojnë një lidhje të fortë midis pjates së dushit dhe sifonit. Flexbox lejon përshtatje për të kompensuar devijimet dhe mundëson testim paraprak për rrjedhje. Kjo e bën instalimin e pjatave të sheshta të dushit më të sigurt dhe më të lehtë.
HL570 Flexbox është i përshtatshëm për pothuajse të gjitha pjatat e sheshta standarde të dushit dhe është testuar me pjata nga pothuajse të gjithë prodhuesit kryesorë. Për të verifikuar përshtatshmërinë me modele të ndryshme, vizitoni faqen tonë dhe shkarkoni listën e përshtatshmërisë të HL570 Flexbox, ose kontaktoni me departamentin tonë inxhinierik apo me përfaqësuesin rajonal.